Kogon shahar 3-umumta’lim maktabida tashkil etilgan 105-son saylov uchastkasida saylovga tayyorgarlik jarayonlari uyushqoqlik bilan amalga oshirilmoqda. Ayni damda komissiya a’zolarining faoliyat yuritishlari uchun qulayliklar yaratilgan. Belgilangan tartibda texnik jihozlar va turli qo‘llanmalar bilan ta’minlangan.

- Saylov uchastkamizda bugungi kunimiz komissiya a’zolarining yig‘ilishi bilan boshlandi. Bunda har bir komissiya a’zosining saylov jarayoniga oid hozirgacha bo‘lgan faoliyati to‘g‘risida so‘z bordi. Kelgusidagi rejalar aniqlab olindi,- dedi uchastka saylov komissiyasi a’zosi Laylo Hojieva.